As dy muaj nga fillimi i shitjes në SHBA, Microsoft publikoi se heq dorë nga projekti Kin dhe zhvillimi i mëtutjeshëm i pajisjes.
Në fillim janë paraqitur dy modele, Kin One dhe Two, të cilët me dukje dhe disa mundësi dukeshin si smartphone, e kishin cak popullatën më të re.

Theksi ishte vënë mbi rrjetat shoqërore, bashkëveprimin dhe shërbimet cloud, derisa mundësitë tjera ishin mjaftë të kufizuara./albtech/

Ekipi zhvillues i Kin tani është bartur në Windows Phone 7, i cili po bëhet fokusi kryesorë i Microsoft në segmentin e pajisjeve mobile.

Është anuluar edhe shitja e paralajmëruar e këtyre pajisjeve në Evropë, derisa në SHBA rezultatet ishin siç dhe pritej mjaftë dëshpërues – Verizon deri tani shiti në mes 1,000 dhe 10,000 copë.

Microsoft pohon se disa nga mundësitë dhe njohuritë e fituara me zhvillimin shumëvjeçar të projektit do të përfshihen në sistemin operativ Windows Phone 7.